ចន្លោះមើលឃើញ និងមើលមិនឃើញ របស់ខ្មែរយូនីកូដ
លោកអ្នកធ្លាប់បានដឹងហើយថា នៅក្នុងខ្មែរយូនីកូដ មានចន្លោះពីរប្រភេទ គឺចន្លោះមើលឃើញ (Space) និងចន្លោះមើលមិនឃើញ (Zero Space) ចន្លោះទាំងពីនេះមានគុណប្រយោជន៍ខុសគ្នាដែលយើងត្រូវការបំផុត។
ចន្លោះមើលឃើញ : គឺជាចន្លោះម្យ៉ាងរបស់ខ្មែរយូនីកូដ ដែលវាមានគុណប្រយោជន៍សម្រាប់បង្ហាញតំបនន់ដែលត្រូវ បង្ហាញដូចជា “ខ្ញុំ និងអ្នក” វាមានសារ:សំខាន់ណាស់សម្រាប់បង្ហាញនូវសោភណ្ឌភាពរបស់អត្ថបទរបស់លោកអ្នក ចំពោះការប្រើប្រាស់របស់វាគឺងាយបំផុត គឺលោកអ្នកគ្រាន់តែចុច Shift ជាមួយនឹង Space ក្នុងពេលតែមួយនោះវានឹងបង្ហាញចន្លោះនេះឲ្យលោកអ្នកដូចបំណង។
ចន្លោះមើលមិនឃើញ : គឺជាចន្លោះម្យ៉ាងរបស់ខ្មែរយូនីកូដដែរ ដែលវាមានគុណប្រយោជន៍សម្រាប់បង្ហាញនូវចន្លោះដែលលាក់បាំង ពីពាក្យមួយទៅពាក្យមួយទៀតនៅក្នុងអត្ថបទរបស់លោកអ្នក អ្វីដែឡល្អជាងនេះទៅទៀតលោកអ្នកពុំចាំបាច់បារម្ភជាមួយការចុះបន្ទាត់នោះទេ ព្រោះពាក្យនីមួយៗរបស់លោកអ្នកនឹងត្រូវរក្សាសភាពដើមទាំងអស់។ រីឯការប្រើប្រាស់វិញ គឺមានភាពងាយស្រួលដូច ចន្លោះមើលឃើញអញ្ជឹង គឺលោកអ្នកគ្រាន់តែវាយ Space តែប៉ុណ្ណោះនោះលោកអ្នកនឹងទទួលបានចន្លោះដែលមើលមិនឃើញនៅក្នុងអត្ថបទរបស់លោកអ្នកជាមិនខាន។
សំគាល់ : ចំពោះ កម្មវិធីរបស់ Open Office វានឹងបង្ហាញចន្លោះមើលមិនឃើញជូនលោកអ្នកដើម្បីបន្ថែមការប្រុងប្រយ័ត្ន ការភ្លេចភ្លាំងរបស់លោកអ្នក ក្នុងពេលកំពុងវាយ។
Posted on 9 ខែកុម្ភៈ 2011, in ព័ត៌មានបច្ចេកទេស. Bookmark the permalink. 1 មតិ.
ចន្លោះមើលមិនឃើញ មានសារៈសំខាន់យ៉ាងខ្លាំង ដើម្បីចុះបន្ទាត់មែន។ ម្យ៉ាងទៀត បើរៀបទំព័រឲ្យមានខ្នាតផ្សេងពីដើម មិនបាច់រវល់នឹងការដកឃ្លាត្រង់នេះ ត្រង់នោះទៀតទេ។ តែបញ្ហាធំ គឺបើផ្លាស់ពីវិនដូវស៍អិចភីមកវិនដូវស៍វិស្តា រកផ្លែចុចចន្លោះមិនឃើញនេះ មិនឃើញទេ!